Лідер опозічного руху Progresívne Slovensko скінчів як підпредседа Народной рады СР. Посланці парламенту го у віторок одкликали з функції в тайнім голосованю. Участных на голосованю было 77 посланців, за одкликаня голосовало 76, єден листок быв неплатный. Трьоми посланці партії Hlas-SD не голосовали. Пропозіцію на одкликаня дали коалічны партії Smer-SD i SNS. Говорили о підозрінях з черьпаня державных дотацій особами, котры суть близкы Шімечкови, і з маніпулації при придільованю дотацій. Крітіковали го і за орґанізованя протестів проти веджіня резортів културы і справедливости. Шімечка крітіку одшмарив, одкликаня означів за помсту за добру опозічну роботу. Опозічны партії не брали участь на голосованю і одкликаня лідера найсилнішой опозічной партії з веджіня парламенту крітікують.

(Медвідь, TASR)