Централный крізовый штаб на своїм вівторковім засіданю прияв главні опатріня, котрыма ся ускорить ліквідація звірят на штирьох фармах інфікованых слинтачков і кривачков, а тыж такы, котры бы мали заборонити дальшому шырінню споминаного захворіня. По засіданю штабу о тім інформовав міністер внутрішніх справ Матуш Шутай Ешток. ‟Договорили сьме ся главно з нашов штатнов ветерінов, же будуть посилнены людьскы капаціты, котры бы уможнили одстріл скотины‟, повів Ешток. Помагати при ліквідації інфікованых скотины бы мала, за словами міністра, тыж гасіцька техніка. На поміч мають прийти тыж одборници з країн, де тото захворіня в минулости уж было, але і техніка з обслугов з Чехії і Австрії. (TASR, Pkf)