В рамках наряджінь Уряду верейного здравотництва Словацькой републікы, котрыма ся заказує орґанізовати громадны културны і іншы акції, Фонд на підпору културы народностных меншын выголосив слідуючі реґулації на реалізацію підпореных проєктів  з тогорічных дотацій Фонду. Жадателі мусять перед підписом договору обєктівні посудити, ці досправды докажуть проєкт зреалізовати. В припаді зміны мусять контактовати референтку Фонду. Жадна зо змін не сміє быти в незгоді з договором. Каждый приїматель буде мочі хосновати дотації найнескорше до 31-го марца 2021-го року a выучтованя буде повинный предложыти до 30-го апріля 2021. Жадость о зміну терміну реалізації проєкту не треба подавати. В припаді реалізації подій мож пожадати і о oнлайн презентацію, но тaкы зміны треба конзултовати з референтков Фонду. Події адресованы про верейность не мож орґанізовати без участи публікы. Вшыткы далшы інформації найдете на вебсайті Фонду на підпору културы народностных меншын. (А. Кузмякова)