Депутат Народной рады Словацькой републікы Юрай Шеліґа з партії Za ľudí пожадав председу обороннобезпечностного выбору Юрая Крупу о покликаня поліцайного презідента Петра Коважіка на найблизше засіданя выбору. Хоче, жебы на нім Коважік пояснив ціле засягованя поліції почас протестів у Братіславі і свої слова о тім, же на такы демонштрації собі мають люди звыкнути. За словами Шеліґы вшыткы гражданы мають право протестовати, але і про них платить закон. Депутат припомянув, же конштітучне право не є без лімітів. Конштітуція ясно говорить, же є треба дбати о захованя публічного порядку, здравя і моралкы.

(Медвідь, ТASR)