Кандідуючі партії в юновых евровольбах можуть делеґовати членів волебных комісій до 9-го апріля, інформовало о тім Міністерство внутрішніх справ СР на своїм офіціалнім вебсайті. До окружной і окресной волебной комісії може делеґовати єдного члена і єдного заступника політічна партія або коаліція, котра кандідує в евровольбах. Член комісії мусить мати тырвале перебываня в селі або місті, де буде выконовати функцію. Кандідачный список на вольбы до Европского парламенту подало 23 політічных партій і єдна коаліція. Словацькы гражданы будуть волити 8-го юна 15 евродепутатів на пятьрічный період. Закружковати можуть найвеце двох кандідатів із єдного кандідачного списку.

(Медвідь, TASR)