Доказом доброй сполупраці обох народів є, же єм перед пару днямі выменував премера Ческой републикы прислушника словацькой народностной меншины. По стрічі с презідентом СР Андрейом Кіском то конштатував презідент Ческой републикы Мілош Земан, котрый выменував 6. децембра до веджіня ческой влады Андрея Бабіша. Ческый презідент быв вчерa на навщіві Словакії, котра є послідньов офіціалнов заграничнов навщівов перед закінчіням його мандату. Головы штатів позитивно оцінили односины меджі обома країнами. На основі Кіску з погладу білатералных односин “тяжко може робити штось ліпше“. Повторив, же незнать на світі країны, котры бы мали к собі так близько як Словакія і Чехія. Меджі країнами Кіска видить лем єдиный розділ а то, же Словакія прияла евро а Чехія ні. Нато Земан реаґував , “Также, кібы Ґреція выступила або была вытлачена з еврозоны а вы знате, же такзваный брексіт уж ся приправував а же докінця драхмы были натлачены в єдній з лондинскых приватных банк, но так, кібы до того дійшло, так та раціонална часть обав з евра бы поминула. А та іраціонална ся дать высвітлити праві на прикладі Словакії і його успіху с евроменов.“
(ТАSR)

Фото: TASR/Pavel Neubauer