В року 2019 бы ся мали на Словакії докінчити дві далничны етапы, котры суть в тім часі в штадію будованя. Перша є етапа далниці Д1 з Будіміра по Бідовце. Іде скоро о 15-кіломтрову трасу при Кошыцях, котра бы мала быти докінчена на кінці рока 2019. За словами міністра транспорту Арпада Ершека в тім року бы мала быти докінчена і етапа далниці Д1 при Жіліні з Грічовского Підгородя по Лєтавску Лучку. Іде о выше 11-кілометрову часть з тунелом Овчіарско і Жіліна. Його даня до ужываня шак комплікують за його словами помалы роботы на дальшій надвязуючій етапі з тунелом Вішньове. Як повів міністер, уж днесь є ясне, же тот термін ся недотриме. Якый дальшый поступ выберуть при його дальшій реалізації о тім буде ясно аж у фебруарі.
(ТАSR)
Фото: TASR