В Банскій Быстріці днесь продовжують цілоштатны ославы 80. выроча Словацького народного повстаня (СНП) і то главным цілоденным проґрамом. Офіціална часть ослав зачала ся о 10.00 год упоминаючім актом кладжіньом вінців в просторах Памятника СНП. О 11.00 год зачав ся славностный проґрам із выступлінями гостей. Потім наслідував музично-културный проґрам. Частьов ослав СНП была по першый раз і славностна воєньска присяга, котру зложыло скоро 600 абсолвентів основного воєньского тренуваня. Кулмінаційов події буде воєньскый огляд, по котрім буде наслідувати о 20.30 год ґалапроґрам. Ославы 80. Выроча СНП в Банскій Быстріці скінчать о 22.00 год. огньостройом. (TASR, Pkf)