Централну будову Словацького народного музея (SNM) на Ваянского набрежі в Братіславі треба в горізонті пару років заперьти, выстягувати і комплексно зреконштруовати. На основі злого аж гаварійного ставу будовы то сконштатовало Міністерство културы СР, котре предложыло ідеовый замір обновы. План реконштрукції рахує зо зновуотворіньом централной будовы SNM в року 2033 і з коштами у вышці 74 міліонів евр то вчера влада зобрала до відома. Была згодна і зо зачатям приправных праць. (TASR, Pkf)