Европска унія не потребує редістрібуцію міґрантів або повинны квоты, але крокы у співпраці з країнами, котры хотять вєдно хранити граніці Унії. Повів то у віторок в Комарні председа влады Роберт Фіцо по стрічі з презідентом Сербії Алаксандром Вучічом і мадярьскым премєром Віктором Орбаном. Словацькый премєр подяковав Вучічови за крокы, котры Европі значно помогли рішыти проблемы міґрації і высловив підпору Сербії в намагах стати штонайскоріше членом Унії. Премєр Фіцо повів, же собі не знать представити, же бы дакотра країна передбігла Сербію при вступі до Европской унії. Председа словацькой влады оцінив і пропозіцію Віктора Орбана продовжовати в їднанях в такім форматі далше з позначков, же про вшыткых участників комарняньской стрічі є важнов темов окрім іншых і сітуація коло войны на Україні. Лідеры Словакії, Сербії і Мадярьска пришли до Комарна, жебы їднати о нелеґалній міґрації.

(Медвідь, TASR)