Розрахунок Фонду на підпору шпорту ся звекшыть на 60 міліонів евр на рік. Розшырить ся і предмет його діятельности ці кількость членів дозорной рады. Так само змінить ся процес волбы директора фонду. Выходить то з новелы закона о фонді, котру у віторок посланці Народной рады СР схвалили. Новела звекшує чісло членів дозорной рады із сучасных трьох на пятьох. Так само буде по новому членів справной рады 12. Членам справной і дозорной рады має звекшыти ся і вынагорожіня за функцію. В припаді директора фонду выпустив ся поступ выберового процесу. Справна рада го має выменовати і одкликавати на пропозіцію председы справной рады. Розшырює ся діятельность фонду, конкретно о освітні актівности і методічно-порадну діятельность в области шпорту.

(Медвідь, TASR)