Найбівшый додаватель захранной здравотной службы на Словакії, Фалцк Захранна, обновує свій возовый парк. Тот рік купив 20 новых захранных саніток і 45 новых авт про транспортну здравотну службу. Першы захранны саніткы новой ґенерації зачали праві днесь хосновати і поступні будуть вшыткы насаджованы так, абы в януарі 2018 року были вшыткы саніткы в ході. Ціна єдной захранной саніткы вєдно з медіцінскым заряджіньом є 100 000 евр а транспортной саніткы 35 000 евр. Фалцк Захранна, як найбівшый додаватель захранной здравотной службы на Словакії старать ся о 107 станіц і давать роботу приближні 1700 людям.
(Петро Кімак-Фейко)