Пленум Уставного суду (УС) СР у четверь зась засїдало по веце як двоймісячній перерві, кедь было нефункчне про векшыну хыбаючіх судцїв. Під веджінём нового председу Івана Фіачана УС прияв новый гармоноґрам роботы на період до кінця того рока. Актуално так уж на два функчны сенаты. ,,На днешнїм непубличнім засіданю пленум Уставного суду узнесінём прияло Гармоноґрам роботы Уставного суду СР на період од 26. апріля до 31. децембра 2019, в змыслї котрого мать Уставный суд актуално уж два функчны сенаты,“ увів про ТАСР Фіачан. Новый гармоноґрам роботы собі выжадав выменованя председу УС Івана Фіачана, підпредседу УС Любоша Сзіґетіго і судцю УС Петра Молнара. Презідент СР Андрій Кіска їх до функції выменовав 17. апріля на період слїдующіх 12 років.

                                                                                             (TASR, Шутіова)