Універзіта Коменьского в Братїславі святковала у четверь 105. юбілей. З той нагоды отворила выставу медайлей і спустила Клуб Алумні УК. TASR о тім інформовала говоркыня найвекшой словацькой універзіты Ева Копецка. Выстава медайлей буде верейности доступна од понедїлька (1.7.) в ронделї історічной будовы УК на Шафаріковім намістю аж до зачатку нового академічного рока. ,,Цїлём выставы є приближыти процес выдаваня і значіня медайлей – од пропозіції, з якой нагоды ся медайлы выдають, через їх взгляд, аж по способ узнаня або оцїнїня. Выстава тыж приближує хоснованя медайлей як сімболу універзіты ці уж на академічных інсіґніах або як знаку універзіты,” приближыла говоркыня. Клуб Алумні УК є подля Копецкой становленый про бывшых штудентів, робітників ці особы інакше перепоєны з універзітов, жебы могли зостати в споїню зо своёв алма матер.

(TASR, Шутіова)