Пілотне тестованя школярїв выплахом устной дутїны ся указало як ефектівне і безпечне. Зряджователї і директоры школ сі похвалюють простїшый і приємнїшый способ тестованя на COVID-19, котрый приніс і высшый інтерес з боку законных заступцїв школярїв. По першім тыжднї є інтерес о нёго 4 раз высшый. Протягом другого тыждня пілотного тестованя было отестованых 507 школярїв, з того было 505 неґатівных, позітівны были двоє. Выгодов клоктачіх тестів є омного точнїша/ чутливіша детекція притомности вірусу SARS- CoV-2 в порівнаню з антіґеновыма тестами. Становлены суть прімарно школярїм другого ступня основных школ.

(TASR, Шутіова)