Страна SaS была наклонена одложіню голосованя а може і стягнутю пропозіції на высловлїня недовіры владї, тот сценарь але згатив постой міністра фінанцій Іґора Матовіча (OĽANO) при подаваню демісії а ёго фіналне рїшіня так не зробити. В діскусній телевізній релації ТВ Ёй На гранї то увів  лідер SaS Ріхард Сулік. ,,Договорили сьме ся з председом посланецького клубу OĽANO Михалом Шіпошом на двойгодиновім одложіню голосованя, жебы сьме сі іщі выяснили становіска,“ сконштатовав Сулік о сітуації в парламентї при авізованім поданю демісії Матовіча. То, же ся наконець голосовало, приписує Сулік праві Матовічовій реакції узяти свою демісію назад. ,,Сімболізує то тот хаос, котрый ту быв в попереднїм періодї при ряджіню країны,“ додав. Повторяв, же SaS не є за передчасны вольны, але преферує будь реконштрукцію влады, або кабінет зложеный з одборників.

(TASR, Шутіова)