Судцьове Найвысшого суду Словацькой републікы не дістануть премії, вырішыв о тім председа суду Ян Шікута. Окрім складной цілосполоченьской сітуації то арґументує і почутьом людей, же в минулости были премії інштрументом внутрішньой корупції і елітарства, кедь ся премії давали выволеным, а карали ся не признаньом премій некомфортны судцьове. TASR о тім інформовала говоркыня суду Александра Важанова. Шікута признав, же його рішіня укріпила і актуална сітуація, кедь были дакотры судцьове Найвысшого суду оскаржены зо заважных карных чінів. Но вірить, же в юстіції, як і на Найвысшім суді, є векшына морлано певных судців з глубокым етічным фундаментом.

(Медвідь, TASR)