Спущіня реформы судной мапы ся посуне о пять місяцїв, то значіть з 1.януара на 1. юна 2023. Предпокладать то новела закона в повязаню з новыма резіденціями і обводами судів, котру у четверь схвалили посланцї Народной рады СР. О пропозіції роковали в скороченім леґіслатівнім конаню. Новелов ся подля резорту выконавають і корекції схваленой правной управы. Напрямують ся на вытворїня лїпшых предпокладів на функчность судів доткнутых реформов судной мапы з погляду їх персоналного обсаджіня, а то головно в одношіню ку справным судом. Цїлём реформы судной мапы є окрем іншого і підвышіня ефектівіты выкону судной моци а забезпечіня шпеціалізації судцїв на головны аґенды.

(TASR, Шутіова)