Погар терпезливості на ставбі тунела Вішньове уж перетік. Як ся зготовитель неспамятать в найближшых тыждньох, зачнеме діяти. Будь одыйде добровольні, або з ним розвяжеме договор мы. Председа влады СР Петро Пелеґріні то повів вчера на пресконференції по вынятковім контролнім дні на далничній етапі Д1 Ліетавска Лучка – Вішньове – Дубна Скала. Председа влады СР брав участь на вынятковім контролнім дні і з міністром транспорту і выставбы Арпадом Ерсеком. Як повів председа влады, „прийшли сьме без офіціалного оголосіня тыждень до переду, протоже сьме хотіли відіти правдивый став на ставбі. Мали сьме можность з гелікоптеры увідіти і векшу часть далниці, котра мать вести к тунелу. Мушу повісти, же в часі їднаня єм высловив велику неспокійність з роботов на цілій ставбі. Ставба є у великім мешканю. Уж днесь знаме, же небудуть дотриманы терміны, котры выходять з договору.“ Як далі конштатував міністер Арпад Ерсок, „основным проблемом даной ставбы є то, же была дана ехтремно низька ціны ставбы. То же ю зготовитель в такій сумі подав, днесь мусить тоту ціну дотримати і мусить з тым якымси способом трактувати, не мы.“
(TASR)