Most-Híd подля Белы Буґара якбач не буде в близкім часі співпрацовати з Партійов мадярьской комуніты – SMK, і то ани перед жупныма выборами. Буґар повів, же співпрацу пропоновав, но SMK єй неприяла. Подля Буґара в SMK владне неприятельство односно його партії. „Дакотры орґанізації докінця грозили, же выступлять з SMK, покля з нами зачне співпрацовати,“ повів председа Most-Híd і єдночасно підпредседа словацького парламенту в неділю в проґрамі телевізії TA3 під назвов V politike.