З нагоды Меджінародного дня споминаня на голокавст Ромів, одкрыли в просторах Музея голокавсту в Середі выставу під назвов Miранда – Циґаньскый голокавст. Сімболом выставы суть правдивы пригоды молодой Ромкы Miранды із Словакії, котру вєдно з родічами депортовали до концентрачного лаґра. Выстава є присвячена вшыткым ромскым жертвам, котрых замордовали почас другой світовой войны. Ласло Буковскый, уповномоченый про народностны меншыны означів тоты войновы події за найсмутнішу капітолу в історії Ромів у Европі. В концентрачнім лаґрі Авшвіц было замордованых 3 тісяч Ромів. Почас другой світовой войны умерло высше 300 тісяч европскых Ромів. Выстава Міранда є сучастьов меджінародного проєкту Очами Міранды і путує по двадцятьох країнах Европы. В Музею в Середі буде приступна до януара 2018-го року.
(Анна Кузмякова)