Словакія была в минулім року на осьмім місці што ся дотыкать найлацнішых потравин  в Европскій унії (EÚ). В рамках V4 за потравины але платять обывателі Словакії і надалей вецей. Увела то в аналізі аналітичка Словеньского фармарьского дружства (SFD) Ева Садовска. Як далі інформувала, „найдорожшы потравины в рамках  цілой EÚ мають обывателі Данії. В даній северьскій економіці обывателів выйде тот  самый  накуп потравин о вышше 40 % дороше як на Словакії. За Данійов наслідує Лухембурьско і Австрія, де суть потравины дорожшы як у нас о 37 %. Наспак, найменше обывателі заплатять в Румунії, де суть потравины лацнішы як у нас о 29 %. Спомеджі країн V4 і надалей платиме за потравины найвецей. В Чехії, то значіть, суть  потравины туньші як у нас о 10 %, в Мадярьску о 9,1 % а в Поландії за тот самый накуп потравин як на Словакії заплатять спотребителі докінця аж о 26,5 % менше. (TASR, Пкф)