Вольбы до Народной рады Словацькой републікы бы на кінцю фебруара выграв рух Progresívne Slovensko, котрый бы здобыв 24,8 процента голосів. В парламенті бы было шість партій, респектівно рухів. Выходить то із сондажи Центра соціалных бадань, котрый належыть під Штатістічный уряд Словацькой републікы. Друга бы скінчіла партія Smer-SD, за котру бы голосовало 22,5 процента людей. На третім місці скінчіла партія Hlas-SD з підпоров 11,5 процента голосів. До парламенту бы ся дістав і рух KDH, котрому бы дало голос 8,4 процента людей, рух Republika з підпоров на уровни 6,6 процента, і партія Demokrati, яка бы здобыла 5 процент. Решта партій бы не перекрочіла 5 процент потрібных на вступ до парламенту.

(Медвідь, TASR)