Політичны партії достануть ліміты на чісло членів, оформить ся і їх фунґованя. Парламент то єсть 78 голосами одобрив новелу закона о політичных партіях, котру ініційовала коалічна СНС. Правна норма опреділює політичным партіям, котры хочуть кандідовати до НР СР ці Европского парламенту, конкретны чісла членів. Тоты партії мають мати по новім двократні чісла кандідатів на списку, то значіть як кандідує 150 кандідатів, так хоць лем 300 членів, або хоць лем 45 членів найвысшого орґану. Новела тыж мать окрім іншого заборонити купованю партій і оформити діспонованя з фінанчныма дарами. Як далі повів Тібор Бернатяк, подаватель пропозиції і председа посланецького клубу СНС, „Партія бы мала мати реалну резіденцію, котру бы мала здокументовати даякым правным документом. Немала бы то быти даяка схранкова, компанія.“
(ТАSR, Кімaк)