Словацькы аеролінії купив ґіґант
00
В словацькім літецькім бізнісі дошло перед пару днями к важній трансакції. Словацьку літецьку сполочность AirExplore купив ірьскый літецькый ґіґанд Avia Solutions Group, котрый мать центрум в Дубліні. Іры купили фірму од Словаків за ближше нешпеціфіковану суму. Іде о далшый з їх кроків в планох як посилнити торгову позицію на европскім торгу. В сітуації AirExplore цi Avia Solutions неіде о звычайну літецьку сполочность тіпу Ryanair. Їх бізніс залежыть в аренді летадел з посадков, поіщіньом і утримуваням іншым літецькым сполочностям, котры тоты капаціты актуалні потребують. Іде о комплікованый сістем, до котрого вступують лізінґовы сполочности, турістичны канцеларії і банкы. (Сме, Пкф)
- Назад / Nazad Пензісты, котры ся старають о тяжко здравотно гендікепованых близькых приліпшать собі
- Далше / Dalše Выходить, же з невычерьпаных еврофондів Словакії пропадуть стовкы міліонів евр