Словацькых вояків в загранічній операції Резолут Супорт (Resolute Support) в Афґганістанї потїшыли рождественны поздравы од школярїв з баньскобыстріцькой Основной школы на Дюмбєрьскій улицї. Внимають їх як вызначну людьску і емоціоналну підпору. Інформовали о тім на сторінцї Озброєных сил СР. З погляду многых вояків суть рисункы і одказы дїтей важны. Вояци дїтём дякують за оріґіналный дарунок. ,, Сьме рады такій підпорі і од дїтей, котры не знаме особно, дїтей з домова, зо Словакії,“ підчеркнув єден із вояків.  Велитель словацького контіґенту в Афґганістанї Юрай Галама в понедїлёк (23.12.) міністрови обраны Петрові Ґайдошови (SNS) в телефонічній бісїдї ознамив, же сітуація є надале небезпечна. В загранічных операціях і місіях в рамках меджінародного крізового манажменту в сучасности пособить 494 словацькых професіоналных вояків.

(TASR, Шутіова)