Словацька народна партія жадать председу влады Роберта Фіца, абы вымінив міністра праці Яна Ріхтера. “Обертаме ся на Роберта Фіца, председу влады Словацькой републикы і председу політічной партії Смер-СД, абы вырішів тот фуртпродовжуючій і неутримаючій проблем дотуляючіся персоналной зміны на місці міністра праці, соціалных діл і родины,“ пише у своїм становиску председа посланецкого клубу Словацькой народной партії Тібор Бернатяк. Сучасно підкреслює, же з причины общіх знамых і довгодобо медіалізованых дійсности дотуляючі ся фунґованя і рішеня проблемів на Міністерстві праці, соціалных діл і родины є Словацька народна партія передсвідчена, же владна коаліція собі уж далей неможе дозволити газардовати з довїрям обывателів. Днес посланці окрім дальшых пунктів проґраму і реґілярной Годины вопросів чекать выняткове засідання плена. На нім опозиція попробує одволати міністра праці Ріхтера про каузу Чістый день. Влада вчера вырішыла, же с Ріхтеровым одкликынням не є згодна а пропозицію поважує за цілёву.
(Петро Кімак-Фейко)