Одход Споєного кральовства з Европской унії без догоды буде причінов страты в Сполочній землегосподарьскій політиці у  вышкі 2,9 міліарды евр. В припаді тзв. твердого брехіту понижать ся джерела Словакії в Сполочній землегосподарьскій політиці о 31,3 міліонів евр річно. Інформував о тім Міхал Феік з Міністерства землегосподарьства і розвоя реґіону СР. „Споєне кральовство дотеперь было чістым платцом і єдным з найвекшых приспівателів до розрахунку Унії. Прото страта вкладу Споєного кральовства буде мати вплив і на зміну алокації джерел EÚ на єднотливы політикы. Брехіт то значіть буде мати досяг на цілкову фінанчну часть Сполочной землегосподарьской політикы а уж в року 2019 мусиме рахувати з єй пониженям. Ту ся рісують два можны сценарї, дофінанцованя з народных джерел або пониженя бютжету Сполочной землегосподарьской політикы, ці комбінація обідвох сценарів,“ пояснила Ґабрєла Матечна, міністерка землегосподарьства і розвоя реґіону СР. (TASR, Pkf)