Словакія і Сербія бы могли зачатком слідуючого рока підписати договор о вырівнаню довгу іщі з часів Югославії. Словакія преферує єдноразове часточне сплачіня. Мало бы іти о суму 6-ох міліонів евр. Грошы підуть на підпору Словаків жыючіх за граніцями. Повів то премєр Петер Пеллеґріні по їднаню із сербсков премєрков Анов Бырнабічовов у віторок в Братіславі в рамках пресконференції на Уряді влады. Партнеры бісідовали і о економічно-політічных темах. Пеллеґірні повів, же Словакія не мінить свою позіцію односно єдносторонного выголошіня незалежности Косова і підтримує сербске намаганя о вступ до Европской унії.
(Медвідь, TASR)
Фото: TASR