Польща і Мадярьско голосували проти послідній часті пакту о релокації міґрантів. Голосованя ся одбыло вчера на засіданю амбасадорів країн Европской унії (ЕУ). Словакія, Чехія і Австрія ся при голосуваню стримали. З одкликаням ся на діпломатічны джерела інформувала о тім польска пресаґентура PAP. Польща вєдно з Мадярьском є довгочасово проти плану ЕУ, котрый мать завести фінанчны тресты за наприїманя міґрантів. Основне спрямуваня нового пакту о міґрації і азілі одобрила Рада ЕУ в юні. Подля пропозиції наряджіня мусять членове ЕУ прияти на зачатку 30.000 міґрантів, або заплатити скоро 22.000 евр за каждого неприятого міґранта. (TASR, Pkf)