На Словакії, як і в Чеській републіці, припоминаме собі 50 років од інвазії войск Варшавского пакту і слідуючой совітьской окупації, котра тырвала понад 20 років. На цілій Словакії проходять різны споминовы події. Ку темі выражають ся і політіци. Підпредседа Народной рады Словацькой републікы і председа партії Most-Híd написав на соціалній сіті Facebook, же російскы медії перевязаны із державныма інштітуціями доднесь бісідують о братьскій помочі, што собі не можеме дозволити не спостерігати. Подля Буґара фалшованя історії і перекручаня фактів не мать оправданя. За думками премєра Петра Пеллеґірніго, котрый ку темі написав і коментарь про денник Hospodárske noviny, належыть авґуст 1968 меджі тоты історічны дії, котры є треба слідуючім ґенераціям припоминати. „Траґічны дії дотулили ся каждой родины і в памяти нашых родічів зістануть навсе записаны як мементо, жебы ся вже нич подобне не повторило,“ выразив ся словацькый премєр. Бечур о 19.50 верейнотавна телевізія одвысылать із той нагоды приговор презідента Словацькой републікы Андрея Кіскы, котрый буде высылати і Чеська телевізія, кедьже чеськый презідент Мілош Земан оголосив, же ку річніці окупації не буде публішчно выступати із приговором.
(Медвідь)