Як Словакія неуробить політичны хыбы, може ся стати вызначнов державов про транзіт з Чіны до Европы. Председа словацькой влады Роберт Фіцо то выголосив вчера в Будапешті по білатералній стрічі с чінскым премєром Лі Кхе-чіанґом. Стріча ся одбыла по шестім самміті влад 16 держав середньой і выходной Европы і Чіны. “Днес єм выужыв тоту коротку стрічу на то, абы єм ся договорив на терміні стрічі в Чіні. Вірю, же на перелом фебруара а марця є термін, коли буду мати можность на найвысшій уровні навщівити Чіну і дотягнути множество проєктів до кінця,“ повів Фіцо словацькым журналістам.
(Петро Кімак-Фейко)