Словакія выгнала єдного з діпломатів вєтнамской амбасады в Братіславі у звязку з кавзов унесіньом Вєтнамця. Штатный секретарь резорту діпломації Франтішек Ружічка передав вербалну ноту амбасадорові Мінг тронґ Дуонґові вчера. Пресову аґентуру TASR о тім інформували з пресового одділіня Міністерства заграничных справ і европскых діл СР. В ноті ся окрім іншого пише, же Словакія выголошує єдного з діпломатів вєтнамской амбасады в Братіславі за персону нон ґрата. Словакію так мусить зохабити до 48 годин. СР к даному кроку приступила у звязку з правоплатным вердіктом німецького одкликаваючого суду в справі унесіня вєтнамского жытеля з Берліна до Вєтнаму в юлі 2017-го року, причім  предпокладать ся, же в данім припаді быв злоужытый словацькый владный шпеціал. (TASR, Pkf)