На Словакію днесь прийшла делеґація посланців Европского парламенту (ЕП) з Выбору ЕП про обчаньскы слободы, справодливість і внутрішні справы (LIBE) з цільом оцініти дотримуваня засад правного штату в країні.  Пресаґентуру TASR о тім інформував пресовый секретарь Канцеларії Европского парламенту на Словакії Ян Якубов. Сімчленна делеґація в рамках двойдньового проґраму абсолвує стрічу з родинами вбитого новинаря Яна Куціака і його нареченой Мартіны Кушніровой і буде діскутовати зо заступцями обчаньской сполочности, новинарьми і высокыма штатныма представительями, як наприклад з премєром Едуардом Геґером, міністром внутра Романом Мікулцом, міністерков справодливості Марійов Коліковов ці посланцами НР СР. Напланованы суть і стрічі зо судцями Найвысшого суду, ведучіма представителями Поліцайного збору, Народнов кріміналнов аґентуров ці Фінанчнов справодайсков частьов. (TASR, Pkf)