Централный крізовый штаб вчера вырішыв о скінчіню заказу цівілных літів, котры зачнуть платити од 7-го септембра. По тім терміні так будуть мати можность прилетіти на летіско в Братіславі і літы з Росії, Україны, Северной Мацедонії, Споєных арабскых еміратів ці Сербії. Інформувала о тім говоркыня Летіска М. Р. Штефаніка Вероніка Шевчікова. Шевчікова конкретізувала, же подля резорту доправы і внутра бы мали быти дотриманы істы правила, меджі котры наприклад патрить выповніня електронічной анкеты через вебовый портал,  по приліті з різіковой країны леґітімувати ся неґатівным тестом на новый коронавірус і іти до карентены. (TASR, Pkf)