Словацькы самосправы і інштітуції ся можуть запоїти до цїлоевропской кампани на підпору і пропаґацію утримательной містьской мобіліты Европскый тыжден мобіліты 2024. Темов тогорічной кампани є Верейный простор про вшыткых. Кампань на Словеньску коордінує Словацька аґентура жывотного окружіня (САЖО). ,, Цїлём кампани ЕТМ є підпоровати зміну справованя ся жытелїв в проспіх актівной мобіліты. Тот рік буде кампань ЕТМ напрямена на сполочне рїшіня хоснованя нашого верейного простору,” увів ґенералный директор САЖО Юрай Моравчік. Подїя, котра ся каждый рік одбывать од 16. до 22 септембра, выверхолить Днём без авт а надвязує на кампань До роботы на біціґлю. До кампани ся мож реґістровати посередництвом вебовой сторінкы www.eurotm.sk, де суть опублікованы потребны інформації.

(TASR, Шутіова)