Міністер праці, соціалных справ і родины Мілан Крайняк ріхтує новелу закона о соціалных службах і новелу жывностеньского закона. Цільом є главні вытворіня правных условій про звышіня фінанчной підпоры на сполуфінанцованя соціалных служеб у выбраных інштітуціях соціалных служеб крізовой інтервенції зо штатного розрахунку, через капітолу Міністерства праці, соціалных справ і родины СР. Выходить то з попередньой інформації о приправованій леґіслатіві, опублікованой на порталі slov-lex.sk. Леґіслатіва мать за ціль і апліковати валорізацію вышкы даной фінанчной підпоры на належный календарный рік наряджіньом влады. Мінити ся мать і дотеперішній реґістер надавателів соціалных служеб. Мать быти ефектівнішый і зрозумітельнішый про жытеля. (TASR, Pkf)