Русиньска оброда на Словенску є наймасовішом граждансков організаційов на Словенску, котра обєднює Русинів в Словакії. В тім часі організує по цілій Словакії ряд вызначных културно-сполоченьскых акцій, передовшыткым фестивалы, котры суть нарочны і на фінанції. Председа Русиньской оброды на Словенску Мартін Караш повів, же тот рік є жычливым роком на фіннції з боку нашого штату. Як далі повів: „думам собі, же фінанцій на културу в тім часі є достаток і одночасно собі думам, же є вецей жрідел на здобытя фінанцій на тоты актівіты. Може бы єм повів так критично, лем то, же сістем приділюваня фінанцій неє добрі зробленый. То значіть, же фінанцій є достаток, лем способ приділюваня грошей є так бы повідано чудный“.
(TASR)