Москва зважує, же афґганьске гнутя Талібан вылучіть зо свого списку екстремістічных орґанізацій. Увів то у четверь російскый презідент Володимир Путїн, пише аґентура Reuters. Росія зашорила Талібан до списку в роцї 2003. Іщі передтым, як ся в авґустї Талібан хопив моци в Афґганістанї, привітав Кремель представітелїв того гнутя дакількораз на розговорах в Москві, припоминать Reuters. Путїновы слова пришли день по середняйшій конференції о Афґганістанї в Москві. Росія на ню позвала окрем Кітая, Ірану, Індії, Пакістану ці середнёазійскых постсовєтьскых републік і заступцїв Талібану. Заступцёве десятёх позваных країн ся у выголошіню опублікованім по розговорах договорили, же будуть ,,підпоровати безпечность в Афґганістанї, жебы так приспіли ку реґіоналній стабілітї“.

(TASR, Шутіова)