Міністерство транспорту і выставбы (МТВ) СР в Братїславі є далшым місцём выставы уменя гендікепованых умелцїв зо Словакії. Заштїту над експозіціёв з ціклу Народна презентація уменя гендікепованых умелцїв і словацькых паралімпійскых шпортовцїв перевзяв штатный таёмник МТВ Ярослав Кметь. Як TASR інформовав председа Словацькой аґентуры на підпору здравотно постиженых обчанів Арпад Бенік, выставу святочно отворять 9. новембра. Навщівникам приближыть высше 100 умелецькых дїл гендікепованых умелцїв і шпортовцїв вытваряных різныма техніками враховано мальбы ногами.

(TASR, Шутіова)