Міністерство справодливости (МС) СР робить на посилнїню партіціпачных прав дїтей в суднім дїяню. Темов ся занимать і на робочій стрїчі в Інштітутї навчаня МС СР в Омшені, котре ся одбывало вчера і днесь за участи ведучіх канцеларій Центер правной помочі, Централы роботы, соціалных дїл і родины, омбудсмана ці комісаря про дїти. TASR о тім інформовала Міріама Ґашпарікова з тискового оддїлїня міністерства. ,,Дотеперішня пракс повказує на недостаткы в правній управі процесного заступованя недорослых в дїяню перед судом. Неуспокоївый став є в спаяню многых ролей орґанів соціалноправной охраны дїтей а соціалной курателы, котры роблять з родинов, заступують дїтину а сучасно суть пропонователями в дїянях дотыкаючіх ся недорослых,“ высвітлив резорт.

(TASR, Шутіова)