Міністерство културы (МК) СР вызывать ку захованю можливости приголосити ся ку двом народностям при списованю жытелїв. Шефка резорту Наталія Міланова (OĽANO) поважує за барз нещастне, кедь бы ся тота можливость на послїдню хвілю зрушыла, затоже уможнює дотворяти сі уцїленїшый образ о ідентітах в нашій країнї. TASR о тім інформовав Михал Гайтол з одбору комунікації і протоколу МК СР. Приголошіня ся ку своїй народности і материньскому языку є подля представітелїв МК тыж важнов основов про творбу політік, а то і в области културы. Резорт културы выразив намагу о підпору што найточнїшого зозбераня даных в списованю іщі концём минулого рока.

(TASR, Шутіова)