Міністерство културы передложыло до скороченого меджірезортного припомінкового процесу пропозіцію закона о Словацькій телевізії і радію. Сучасна інштітуція Радіо і телевізія Словакії бы ся не мала формално розділити. Ґенералного директора бы мала волити сімчленна рада, в складі котрой бы мало трьох номінантів міністерство, а штирьми бы ся волили в парламенті. Выникнути бы мала і проґрамова рада, котрой векшыну бы волила Народна рада. Знова ся має запровадити і інштітут змлувы зо штатом, котров ся доповнює фінанцованя. Як пише передкладатель, пропонована правна управа – закон о Словацькій телевізії і радію, не приносить формалне розділіня тых двох інштітуцій, но творить условія на їх окремый розвиток із їх шпеціфіками. Пропозіція решпектує зрушіня концесій із 2023-го року, а так само цілкове фінанцованя із штатного розрахунку. Опозіція крітікує пропонованы зміны і обвинює коаліцію, же хоче овладнути верейноправну ішнтітуцію і зорибть з ньой інштрумент владной пропаґанды ці сполітізованы штатны медії. Приятьом пропонованого закона бы такой у функції скінчів днешній ґенералный директор RTVS Любош Махай.

(Медвідь, TASR)