Короткодобы, середнёдобы і довгодобы цїлї выходять з проґраму влады на цїлый волебный період. Загорнуты суть в пропозіції становлїня стратеґічных пріоріт з цїлїв і замірів уведженых в проґрамовім выголошіню влады на рокы 2023 аж 2027. Матеріал схвалила влада в середу. Меджі середнёдобы цїлї належыть розвиток і охрана штатного языка а меншыновых языків, діверзіфікація жрідел фінанцованя културы і сістематічне понижованя інвестічного довгу вочі штатным умелецькым іншітуціям. За довгодобы цїлї поважує МК СР обмеджіня дегонестуючіх тверджінь у верейнім просторї, розвиток културного турізму і підвышіня народной свідомости і  патріотізма. В области културной політікы ся влада завязала выналожыти намагу о вытворїня верейной дотачной сістемы про реґіоналны културны і сполоченьскы орґанізації в узкій кооперації зо самосправами. МК то зашорило меджі короткодобы пріоріты. Таксамо меджі них зашорило приятя новых штандардів в области музеїв, ґалерій і бібліотек з акцентом на підпору културы і розвитку путёвого руху.

(TASR, Шутіова)