Міністерство здравотництва хоче заказати продай охученых нікотіновых выробків і хоснованя єдноразовых електронічных циґаретель. Выходить то з предбежной інформації ку приготовлёваному правному предпису. ,,Цїлём пропозіції закона є цїлкове понижаня атрактівности нікотіновых выробків про молодых заведжінём заказу продая охученых нікотіновых выробків,передовшыткым овоцных, коловых і цукриковых прихутей,“ увів резорт. Зо заказу хоче выняти ментолову, метову і табакову прихуть, кедьже подля нёго тоты прихутї не суть выглядаваны молодыма а мають значіня про людей, котры хотять перестати курити. Сучасно МЗ планує заказати хоснованя єдноразовых електронічных циґарет позераючі на їх облюбеность меджі молодов ґенераціёв, як і велику еколоґічну затяж, котру їх выроба і спотреба зо собов приносить.

(TASR, Шутіова)