Председом Рады влады СР про народностны меншыны буде председа влады, підпредседом уповномоченый влады СР про народностны меншыны. Заступцёве єднотливых народностных меншын вытворять в радї 27- членну комору. Выходить то з пропозіції штатуту Рады влады СР про народностны меншыны, котру передложыли до меджірезортного припомінкового конаня. Заступцїв народностных меншын будуть до коморы номіновати орґанізації анґажуючі ся в области підпоры і розвитку народностных меншын так, жебы мадярьска народностна меншына мала в коморї семох заступцїв, ромска штирёх, русиньска трёх, чеська і україньска по двох а остатнї – по єднім заступцёви. В радї будуть таксамо пособити і заступцёве рады за централны орґаны штатной справы і сталы членове рады без права голосованя.

(TASR, Шутіова)