Забезпечіти оброблёваня біолоґічно розложытельного одпаду в домашньостях посередництвом закупліня компостерів планує самосрпава Бойниц. На проєкт за скоро 190 000 евр хоче здобыти фінанції з Операчного проґраму Кваліта жывотного середовища. Такым способом місто Бойниці подало жадоть о ненавратный фінанчный вклад на 1351 компостерів. За словами предносту міського уряду Данєла Палацкого, компостеры будуть дістрібуовати до каждой домашности, котра мать загороду. Піде і о бітовы домы, котры мають загороду. Компостеры мають мати обєм 1100 літрів, причім їх закупліням радниця слідює пониженя обєму комуналного одпаду, котрый ся выважать на складкы, а тым способом і меншы поплаткы за його уложіня.
(Петро Кімак-Фейко)