Рада Фонду на підпору уменя ((FPU)) в середу схвалила зміну штатуту. Члены рады так само зволили нового председу, котрым буде сучасный підпредседа Матуш Ольга. Про пресаґентуру TASR то потвердила секретарька рады фонду Ева Туранска. Ольга є єдным з новшых членів рады, запропонованых міністерков културы Мартінов Шімковічовов. Сучасный председа Рады FPU Душан Буран авізовав, же уж не буде знову кандідовати на тото місце, бо не є згодный з рішенями рады. Снагу змінити штатут FPU в попередніх тыжднях крітізовала културна громада і самосправы, котры ся страховали, же зміны можуть значно пошкодити саму підпорну діятельность і быти прічінов девастачного ефекту наприклад на реґіоналну културу. Надавателі змін з рядів членів рады, номінованых Шімковічовов, арґументують потребу змін тым, же дотеперішні крітерія і процесы при приділюваню дотацій неферово преферовали дакотры ґрупы умелців і творців перед іншыма. (TASR, Pkf)