18-го юла проходило в Братіславі перше засіданя Выбору про народностны меншыны і етнічны ґрупы за участи уж новозволеных членів. Заступцями русиньской народностной меншыны у выборі суть Петро Медвідь і Мілан Піліп. Членове выбору зволили за підпредседкыню выбору Даґмар Такачову з чеськой мешныны а Іґора Турука з ромской меншыны за члена Дозорной комісії Фонду на підпору културы меншын. Выбор ся заподівав і онескоріньом дотацій з проґраму Култура народностных меншын 2017. Як убезпечовав председа Выбору і уповномоченый Ласло Буковскый, робітници його уряду роблять вшытко про то, жебы пінязі на контах меншын были до кінця авґуста.
(Анна Кузмякова)