Цукерь є про Словакію єднов з мала комодіт, у выробі котрой є економічно незалежнов. З той причины є потрібно зохабити його підпору і до будучности. В дискусній релації на Таблет.ТВ о тім конштатував председа Словацького цукроварницького сполку Михал Абеловіч а то у звязку із зрушінням квот на цукерь в Европскій унії. В Словацькій републикі суть два заводы на спрацьованя цукру. Цілый ланцок, включно сільскогосподарів цукровой ріпы, давать роботу 3000 людьом. Сістем квот на цукерь быв становленый в 1968 року. Вердікт скінчити го прияли членскы державы в року 2006. Европска унія є найбівшым світовым выробцьом репкового цукру, асі 50 процентів цілковой выробы, котрый шак представує лем 20 процентів світовой выробы цукру. Решта 80 процентів цукру ся выраблять із цукровой терстіны.
(Петро Кімак-Фейко)